ഇടുക്കി:മൂന്നാറിലെ വിനോദ സഞ്ചാര മേഖലയില്‍ മാലിന്യ നിക്ഷേപത്തിന് തടയിടാന്‍ ദേവികുളം സബ് കലക്‌ടറുടെ നേതൃത്വത്തില്‍ ഡ്രോണ്‍ നിരീക്ഷണം. നടപടി ഇടിവി ഭാരത് നൽകിയ വാർത്തയെ തുടർന്ന്. മൂന്നാറിലേക്ക് വീണ്ടും സഞ്ചാരികളെത്തി തുടങ്ങിയതോടെ വന്‍തോതില്‍ മാലിന്യങ്ങൾ കുന്നുകൂടിയത് ഇടിവി ഭാരത് റിപ്പോർട്ട് ചെയ്‌തിരുന്നു. മാലിന്യം വലിച്ചെറിയുന്നവരെ കണ്ടെത്തിയാല്‍ നിയമ നടപടി സ്വീകരിക്കുമെന്ന് സബ് കലക്‌ടർ അറിയിച്ചു. വെയിസ്റ്റ് ബിന്നുകളും ബോര്‍ഡുകളും സ്ഥാപിക്കാന്‍ പഞ്ചായത്തിനും നിര്‍ദേശം നല്‍കി.
ഇടിവി ഭാരത് ഇംപാക്‌ട്; മൂന്നാറിലെ മാലിന്യ നിക്ഷേപത്തിൽ ഇടപെട്ട് സബ് കലക്‌ടർ