ഇടുക്കി: സംസ്ഥാന സര്‍ക്കാരിന്‍റെ ഭൂവിനിയോഗ ഉത്തരവ് പിന്‍വലിക്കണമെന്ന് ആവശ്യപ്പെട്ട് സമരം ശക്തമാക്കി കോണ്‍ഗ്രസ്. സര്‍ക്കാര്‍ നിലപാടിനെതിരെ ഉടുമ്പൻചോല ബ്ലോക്ക്‌ കോണ്‍ഗ്രസ് കമ്മിറ്റിയുടെ നേതൃത്വത്തില്‍ രാജകുമാരിയില്‍ രാപകല്‍ സമരം ആരംഭിച്ചു. ആദ്യ ഘട്ടമെന്ന നിലയില്‍ ജില്ലയിലെ എട്ട് ബ്ലോക്കുകള്‍ കേന്ദ്രീകരിച്ചാണ് സമരങ്ങള്‍ സംഘടിപ്പിക്കുന്നത്. സര്‍ക്കാര്‍ നിലപാട് ജില്ലയിലെ വാണിജ്യ നിര്‍മാണങ്ങളെ ബാധിക്കുന്നതാണെന്നും സംസ്ഥാനമൊട്ടാകെ നടപ്പാക്കേണ്ട നിയമങ്ങള്‍ ജില്ലയില്‍ മാത്രം അടിച്ചേല്‍പ്പിക്കുകയാണെന്നും കോണ്‍ഗ്രസ് ആരോപിക്കുന്നു.
കോണ്‍ഗ്രസ് രാപകല്‍ സമരം ആരംഭിച്ചു