റോഡില്ലെങ്കില്‍ വോട്ടില്ലെന്ന നിലപാടിലാണ് അടിമാലി ഗ്രാമപഞ്ചായത്തിലെ ചീയപ്പാറ കമ്പിലൈന്‍ നിവാസികള്‍. വര്‍ഷങ്ങളായി റോഡ് നിര്‍മിക്കാമെന്ന് പറഞ്ഞ് കബളിപ്പിച്ച ജനപ്രതിനിധികളോടുള്ള പ്രതിഷേധ സൂചകമായി ഇത്തവണത്തെ ലോക്സഭാ തെരഞ്ഞെടുപ്പ് ബഹിഷ്‌ക്കരിക്കാനാണ് നാട്ടുകാരുടെ തീരുമാനം.
റോഡില്ലെങ്കിൽ വോട്ടില്ല; അടിമാലി കമ്പിലൈൻ നിവാസികൾ - അടിമാലി
ലോക്സഭാ തെരഞ്ഞെടുപ്പ് ബഹിഷ്‌ക്കരിക്കാനാണ് പ്രദേശവാസികളുടെ തീരുമാനം.
റോഡില്ലെങ്കിൽ വോട്ടില്ലെന്ന് അടിമാലി കമ്പിലൈൻ നിവാസികൾ
അടിമാലി ഗ്രാമപഞ്ചായത്തിലെ 21ാം വാര്‍ഡിലാണ് ചീയപ്പാറ കമ്പിലൈന്‍ പ്രദേശമുള്‍പ്പെടുന്നത്. കമ്പിലൈനില്‍ നിന്നും ഒഴുവത്തടം വഴി ഇരുമ്പുപാലത്തേക്ക് 5 കിലോമീറ്റര്‍ റോഡ് നിര്‍മിക്കണമെന്ന പ്രദേശവാസികളുടെ ആവശ്യത്തിന് വര്‍ഷങ്ങളുടെ പഴക്കമുണ്ട്. എന്നാല്‍ മാറി മാറി വരുന്ന ജനപ്രതിനിധികള്‍ റോഡ് നിര്‍മിക്കുമെന്ന് ഉറപ്പ് നല്‍കുന്നതല്ലാതെ കാര്യമായ ഇടപെടലൊന്നും നടത്തിയിട്ടില്ല. മറ്റൊരു ലോക്സഭാ തെരഞ്ഞെടുപ്പിന് കളമൊരുങ്ങിയിട്ടും തങ്ങളുടെ റോഡെന്ന സ്വപ്‌നം സാക്ഷാത്ക്കരിക്കപ്പെടാത്തതില്‍ പ്രതിഷേധിച്ചാണ് ഇത്തവണ വോട്ട് ചെയ്യേണ്ടെന്ന നിലപാടിലേക്ക് നാട്ടുകാരെത്തിയത്.
റോഡില്ലങ്കിൽ വോട്ടില്ലെന്ന് അടിമാലി കമ്പിലൈൻ നിവാസികൾ
തെരഞ്ഞെടുപ്പ് പ്രഖ്യാപിക്കും മുമ്പെ വോട്ട് ബഹിഷ്‌ക്കരണം സംബന്ധിച്ച തീരുമാനമെടുക്കാന്‍ നാട്ടുകാര്‍ പ്രത്യേക യോഗം ചേര്‍ന്നിരുന്നു. കൊച്ചി - ധനുഷ്‌കോടി ദേശീയപാതയില്‍ ആറാംമൈലിനും ഇരുമ്പുപാലത്തിനും ഇടയില്‍ ഗതാഗതക്കുരുക്കുണ്ടായാല്‍ സമാന്തരപാതയായി ഉപയോഗിക്കാവുന്ന റോഡ് കൂടിയാണ് കമ്പിലൈന്‍ ഒഴുവത്തടം ഇരുമ്പുപാലം റോഡ്.