ഇടുക്കി: ഒറ്റമുറി പ്ലാസ്റ്റിക് ഷെഡില്‍ വൈദ്യുതിയില്ലാതെ ജീവിച്ച ആന്‍റണിയും കുടുംബവും ഇപ്പോൾ വെളിച്ചം വിരുന്നെത്തിയ സന്തോഷത്തിലാണ്. മഹാമാരിക്കാലത്തെ ദുരിത ജീവിതത്തിനിടയില്‍ മൂന്ന് മക്കൾക്കും ഓൺലൈൻ ക്ലാസുകൾ കൂടി ആരംഭിച്ചതോടെ രാജാക്കാട് കുത്തുങ്കല്‍ പാലാട്ടില്‍ ആന്‍റണി നിസഹായനായി. ആന്‍റണിയുടെ ബുദ്ധിമുട്ട് മനസിലാക്കി കുട്ടികൾക്കായി സ്കൂൾ അധികൃതർ ടിവി എത്തിച്ച് നല്‍കിയെങ്കിലും വൈദ്യുതി ഇല്ലാത്തതിനാല്‍ ടിവി വെറും കാഴ്ച വസ്തുവായി. മക്കളുടെ പഠനത്തിന് വേണ്ടി വീട്ടില്‍ വൈദ്യുതി കണക്ഷൻ ലഭിക്കാൻ ആന്‍റണി രാജാക്കാട് സെക്ഷൻ ഓഫീസിലെത്തി അപേക്ഷ നല്‍കി. പക്ഷേ അടയ്ക്കേണ്ട തുക കേട്ടതോടെ ആ പ്രതീക്ഷയും തകർന്നു.
കനിവിന്‍റെ വെളിച്ചം വിതറി കെഎസ്ഇബി ജീവനക്കാർ: ആന്‍റണിയുടെ മക്കൾക്ക് പഠിക്കാം