ഇടുക്കി: സമ്മിശ്ര കൃഷിയില്‍ വിജയഗാഥ രചിക്കുകയാണ് രാജാക്കാട് സ്വദേശി കണ്ടമംഗലത്ത് രാധ. ഒന്നരയേക്കര്‍ സ്ഥലത്ത് വാഴകൃഷിക്കൊപ്പം വിവിധ ഇടവിളകളും കൃഷി ചെയ്‌താണ് ഈ വീട്ടമ്മ മികച്ച ലാഭം കൊയ്യുന്നത്. കുടിയേറ്റ കാര്‍ഷിക കുടുംബത്തിലെ അംഗമായ രാധ കഴിഞ്ഞ മുപ്പത് വര്‍ഷമായി ഭര്‍ത്താവ് കൃഷ്‌ണനൊപ്പം കാര്‍ഷിക രംഗത്ത് സജീവമാണ്. നിലവില്‍ പയര്‍, ബീന്‍സ്, കൂര്‍ക്ക, കുറ്റി ബീന്‍സ്, തക്കാളി, പച്ചമുളക് തുടങ്ങിയവ വാഴയ്ക്ക് ഇടവിളയായി കൃഷി ചെയ്യുന്നു. ഇവയില്‍ നിന്നും നല്ല വിളവ് ലഭിക്കുന്നതിനാല്‍ കൃഷി പരിപാലനത്തിന് പണം കണ്ടെത്താന്‍ ബുദ്ധിമുട്ടില്ലെന്ന് രാധ പറയുന്നു.
സമ്മിശ്ര കൃഷിയില്‍ വിജയഗാഥ രചിച്ച് രാധ