ഇടുക്കി:ശാന്തൻപാറ ഗ്രാമ പഞ്ചായത്തിലെ മതികെട്ടാൻ ചോല ദേശീയോദ്യാനത്തിന്‍റെ ചുറ്റിലും ഒരു കിലോമീറ്റർ വീതിയിൽ ബഫർ സോൺ ആയി കേന്ദ്ര വനം പരിസ്ഥിതി മന്ത്രാലയം പ്രഖ്യാപിച്ചതിൽ പ്രതിഷേധം ശക്തമാകുന്നു. കേരള വ്യാപാരി വ്യവസായി ഏകോപന സമിതി ശാന്തൻപാറ പഞ്ചായത്ത് യൂണിറ്റിന്‍റെ നേതൃത്വത്തിൽ പ്രതിക്ഷേധ പ്രകടനവും യോഗവും സംഘടിപ്പിച്ചു . പൂപ്പാറ വില്ലേജിൽ സ്ഥിതിചെയ്യുന്ന ദേശീയോദ്യാനത്തിന്‍റെ വടക്ക് - കിഴക്ക് അതിരുമുതൽ തെക്ക് വരെ ഒരു കിലോമീറ്റർ വീതിയിൽ 17.5 ചരുരശ്ര കിലോമീറ്റർ പ്രദേശം ബഫർസോൺ ആയി പ്രഖ്യാപിച്ചുകൊണ്ട് 2020 ഡിസംബർ 28ന്‌ കേന്ദ്ര വനം പരിസ്ഥിതി മന്ത്രാലയം അന്തിമ വിജ്ഞാപനം പുറപ്പെടുവിച്ചിരുന്നു. ഇതിനെതിരെയാണ് വ്യാപാരികൾ രംഗത്ത് എത്തിയിരിക്കുന്നത്.
മതികെട്ടാൻ ചോല ദേശീയോദ്യാനം ബഫർ സോണാക്കിയതിൽ പ്രതിഷേധം ശക്തമാകുന്നു