ഇടുക്കി :ബഫര്‍സോണ്‍ വിഷയത്തില്‍ സര്‍ക്കാര്‍ ഇടപെടല്‍ വൈകുന്നുവെന്നാരോപിച്ച് ഇടുക്കിയില്‍ സമരം ശക്തമാക്കാന്‍ ഒരുങ്ങി സംഘടനകളുടെ സംയുക്ത വേദി. വ്യാപാരി വ്യവസായി ഏകോപന സമിതിയുടെ നേതൃത്വത്തില്‍ വിവിധ ജാതി, മത, കര്‍ഷക സംഘടനാ നേതാക്കള്‍ യോഗം ചേര്‍ന്നു. അതിജീവന പോരാട്ടമായി കണ്ട് വരും ദിവസങ്ങളില്‍ സമരം ശക്തമാക്കുന്നതിനുള്ള കോഡിനേഷന്‍ കമ്മിറ്റിക്കും രൂപം നല്‍കി.
ബഫര്‍സോണ്‍ വിഷയത്തില്‍ പുതിയ ഉത്തരവിറക്കിയും സുപ്രീംകോടതി ഉത്തരവില്‍ പുനപരിശോധനാ ഹര്‍ജി നല്‍‍കുന്നതിന് വനംവകുപ്പിനെ ചുമതലപ്പെടുത്തിയും കാര്യക്ഷമമായ ഇടപെടല്‍ നടത്തുന്നുവെന്നാണ് സംസ്ഥാന സർക്കാർ പറയുന്നത്. എന്നാൽ ഉത്തരവില്‍ ആശങ്ക ഒഴിവാക്കാൻ വേണ്ടി കോടതി തന്നെ അനുവദിച്ച സമയ പരിധി അവസാനിക്കാൻ ഇനി പതിനഞ്ച് ദിവസങ്ങള്‍ മാത്രമാണ് ബാക്കി.
ബഫർസോണ്‍ വിഷയത്തിൽ സര്‍ക്കാര്‍ ഇടപെടല്‍ വൈകുന്നു, സമരം ശക്തമാക്കാന്‍ സംഘടനകള്‍