ഇടുക്കി: ജില്ലയെ റെഡ് സോണില്‍ ഉൾപ്പെടുത്തയതിനെ തുടർന്ന് സുരക്ഷ ശക്തമാക്കി. സംസ്ഥാന അതിർത്തി പങ്കിടുന്ന ഇടുക്കിയില്‍ തമിഴ്‌നാട്ടില്‍ നിന്ന് ആളുകൾ കേരളത്തിലേക്ക് പ്രവേശിക്കാതിരിക്കാൻ ശക്തമായ സുരക്ഷയാണ് ഒരുക്കിയിരിക്കുന്നത്. ജില്ലയിലെ പൊലീസ് പ്രവർത്തനങ്ങളുടെ ഏകോപന ചുമതലയുള്ള ഐജി ഹർഷിത അട്ടല്ലൂരി നേരിട്ടെത്തി അതിർത്തി മേഖലകളില്‍ സ്ഥിതിഗതികൾ വിലയിരുത്തി. തൊടുപുഴ, മൂന്നാർ, കട്ടപ്പന സബ് ഡിവിഷനുകൾക്ക് പുറമേ അടിമാലി, വണ്ടിപ്പെരിയാർ എന്നിങ്ങനെ രണ്ടു സബ് ഡിവിഷനുകൾ കൂടി രൂപീകരിച്ചാണ് പ്രവർത്തനം. കെഎപി ഒന്നാം ബറ്റാലിയൻ കമാൻഡന്‍റ് വൈഭവ് സക്‌സേനയും സ്‌പെഷ്യല്‍ ഓഫീസറായി ജില്ലയിലുണ്ട്. ആറ് ഡിവിഷനുകളിലായി 1559 പൊലീസുകാരാണ് ഡ്യൂട്ടിയിലുള്ളത്.
റെഡ് സോൺ; ഇടുക്കിയിലെ അതിർത്തി മേഖലകളില്‍ സുരക്ഷ ശക്തം