ഇടുക്കി: സംസ്ഥാന സര്‍ക്കാറിന്‍റെ സുഭിക്ഷകേരളം പദ്ധതിയുടെ ഭാഗമായി കൊന്നത്തടിയില്‍ വീണ്ടും നെല്‍കൃഷി തിരികെയെത്തി. കൊന്നത്തടി സര്‍വ്വീസ് സഹകണ ബാങ്കിന്‍റെ നേതൃത്വത്തില്‍ തരിശായി കിടക്കുന്ന രണ്ടരയേക്കര്‍ സ്ഥാലത്താണ് ആദ്യഘട്ട കൃഷിയിറക്കുന്നത്. ഞാറ്റുപാട്ടുകളുടെ അകമ്പടിയോടെ നടന്ന ഞാറുനടീലിന്‍റെ ഉദ്ഘാടനം വൈദ്യുതി മന്ത്രി എംഎം മണി നിര്‍വ്വഹിച്ചു. വര്‍ഷങ്ങള്‍ക്ക് മുമ്പ് നൂറു ഹെക്ടറിലധികം പ്രദേശത്ത് നെല്‍കൃഷിയുണ്ടായിരുന്ന പഞ്ചായത്താണ് കൊന്നത്തടി. കാലക്രമേണ അത് ഇല്ലാതാകുകയായിരുന്നു. ഈ സാഹചര്യത്തില്‍ കൊന്നത്തടിയില്‍ നിന്നും പടിയിറങ്ങുന്ന നെല്‍കൃഷിയെ വീണ്ടെടുക്കാനുള്ള ശ്രമത്തിലാണ് സര്‍വ്വീസ് സഹകരണ ബാങ്ക്.
കൊന്നത്തടിയില്‍ നെല്‍കൃഷി വീണ്ടും തിരികെയെത്തുന്നു