ഇടുക്കി:സഞ്ചാര മാര്‍ഗം നഷ്‌ടപ്പെട്ടതിനെ തുടര്‍ന്ന് പ്രതിസന്ധിയിലായി വട്ടപ്പാറ സ്വദേശികള്‍. പൊതുമരാമത്ത് വകുപ്പ് ഏറ്റെടുത്ത റോഡിന്‍റെ നിര്‍മാണം പൂര്‍ത്തിയാക്കാതെ പി.ഡബ്ല്യു.ഡി ഉപേക്ഷിയ്ക്കുകയായിരുന്നു. ടാര്‍ റോഡിനോട് ചേരുന്ന ഭാഗത്ത് നിലവില്‍ വലിയ മണ്‍ തിട്ട സ്ഥിതിചെയ്യുന്നു. ഇതുകാരണമാണ് വാഹനങ്ങള്‍ക്ക് കടന്നുപോകാന്‍ കഴിയാത്തത്.
സഞ്ചാര മാര്‍ഗം നഷ്‌ടപ്പെട്ടതിനെ തുടര്‍ന്ന് പ്രതിസന്ധിയിലായി ഇടുക്കി വട്ടപ്പാറ സ്വദേശികള്‍.
അഞ്ച് വര്‍ഷങ്ങള്‍ക്ക് മുന്‍പാണ് പൊതുമരാമത്ത് വകുപ്പ് ഏറ്റെടുത്ത വട്ടപ്പാറ - വലിയ തോവാള - വാഴവര റോഡിന്‍റെ നിര്‍മാണം നടന്നത്. 18 കിലോമീറ്റര്‍ ദൈര്‍ഘ്യമുളള പാതയില്‍, വാഴവര മുതല്‍ വലിയതോവാള മെട്ട് വരെയുള്ള 16 കിലോമീറ്റര്‍ പ്രവര്‍ത്തി പൂര്‍ത്തീകരിച്ചു. കാര്‍ഷിക മേഖലയിലൂടെ കടന്ന പോകുന്ന രണ്ട് കിലോമീറ്റര്‍ ഭാഗമാണ് ഇനി നിര്‍മിക്കാനുള്ളത്.