ഇടുക്കി: നെടുങ്കണ്ടം കസ്റ്റഡി മരണക്കേസില്‍ ഇടുക്കി മുന്‍ എസ്‌പി കെ.ബി വേണുഗോപാലിന്‍റെ നുണ പരിശോധന തുടങ്ങി. കൊച്ചി സിബിഐ ഓഫിസിലാണ് പരിശോധന. കേസിൽ അറസ്റ്റിലായ പൊലീസുദ്യോഗസ്ഥർ എസ്‌പിക്കും ഡിവൈഎസ്‌പിമാര്‍ക്കും എതിരെ ക്രൈംബ്രാഞ്ചിന് മൊഴി നല്‍കിയിരുന്നു. നെടുങ്കണ്ടം പൊലീസ് സ്റ്റേഷനില്‍ രാജ്‌കുമാറിന് നേരെയുണ്ടായ മര്‍ദനത്തെ കുറിച്ച് അന്നത്തെ ജില്ലാ പൊലീസ് മേധാവിയായിരുന്ന കെ.ബി വേണുഗോപാലിനും കട്ടപ്പന ഡിവൈഎസ്‌പി പി.പി ഷംസുവിനും, സ്പെഷ്യല്‍ ബ്രാഞ്ച് ഡിവൈഎസ്‌പി അബ്ദുള്‍ സലാമിനും അറിവുണ്ടായിരുന്നുവെന്നാണ് പ്രതികൾ മൊഴി നൽകിയത്.
നെടുങ്കണ്ടം കസ്റ്റഡി മരണം; ഇടുക്കി മുന്‍ എസ്‌പിയുടെ നുണപരിശോധന തുടങ്ങി