ഇടുക്കി: ഇടുക്കി ജില്ല എല്ലാ രംഗത്തും മുന്നേറുകയാണെന്ന് വൈദ്യുതി വകുപ്പ് മന്ത്രി എം.എം.മണി. എം. ജി സര്‍വ്വകലാശാലയില്‍ നിന്നും വിവിധ വിഷയങ്ങള്‍ക്ക് റാങ്ക് കരസ്ഥമാക്കിയ ജില്ലയില്‍ നിന്നുള്ള വിദ്യാര്‍ഥികള്‍ക്ക് ജില്ലാ ഭരണകൂടത്തിന്‍റെ നേതൃത്വത്തില്‍ നല്‍കിയ അനുമോദന ചടങ്ങ് 'പ്രതിഭാ സംഗമം' ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. വികസന രംഗത്തും ആരോഗ്യരംഗത്തും വിദ്യാഭ്യാസ രംഗത്തും ഇടുക്കി മുന്‍പന്തിയിലേയ്‌ക്കെത്തുന്നു. എം. ജി സര്‍വ്വകലാശാലയുടെ ഡിഗ്രി, പി.ജി പരീക്ഷകളില്‍ വിവിധ വിഷയങ്ങളിലായി ജില്ലയില്‍ നിന്നുള്ള 93 പേര്‍ ആദ്യ പത്തു റാങ്കുകള്‍ കരസ്ഥമാക്കിയെന്നത് അഭിമാനനേട്ടമാണെന്നും മന്ത്രി പറഞ്ഞു. ബി എസ് സി ഗണിത ശാസ്‌ത്രത്തില്‍ ഒന്നാം റാങ്ക് കരസ്ഥമാക്കിയ അമല ബാബുവിന് മന്ത്രി ആദ്യ പുരസ്‌കാരം നല്‍കി പരിപാടി ഉദ്ഘാടനം ചെയ്തു.
ഇടുക്കി എല്ലാ രംഗത്തും മുന്നേറുകയാണെന്ന് എം.എം.മണി