ഇടുക്കി: മഴ ലഭിക്കാത്ത സാഹചര്യത്തില്‍ 10-15 ദിവസത്തിനകം വൈദ്യുതി നിയന്ത്രണം ഏർപ്പെടുത്തേണ്ടി വരുമെന്ന് വൈദ്യുതി മന്ത്രി എം എം മണി.അര മണിക്കൂർ മുതൽ ഒരു മണിക്കൂർ വരെ വൈദ്യുതി നിയന്ത്രണമുണ്ടാകും. വൈദ്യുതി ബോര്‍ഡ് മുന്നറിയിപ്പ് നല്‍കിയിട്ടുണ്ട്. നിരക്ക് കൂട്ടാതെ മറ്റ് മാർഗമില്ലെന്നും മുന്‍ വര്‍ഷങ്ങളിലെ അപേക്ഷിച്ച് നേരിയ വര്‍ധനവാണെന്നും മന്ത്രി പറഞ്ഞു. ഇടുക്കിയില്‍ രണ്ടാം വൈദ്യുതനിലയത്തെ കുറിച്ച് പഠനം നടത്തുന്നുണ്ട്. അനുകൂലമായ സാഹചര്യമാണ്. കൂടംകുളത്ത് നിന്നും വൈദ്യുതി എത്തിക്കാനുള്ള നടപടികൾ പുരോഗമിക്കുന്നുണ്ടെന്നും സൗരോര്‍ജ സംവിധാനങ്ങള്‍ ഉപയോഗിക്കണമെന്നും അദ്ദേഹം അറിയിച്ചു.
വൈദ്യുതി നിയന്ത്രണം ഉടന്‍ ഉണ്ടാകുമെന്ന് മന്ത്രി എം എം മണി