ഇടുക്കി: താത്കാലിക ഷെഡില്‍ ദുരിത ജീവിത ജീവിതം നയിക്കുകയാണ് കാന്‍സര്‍ ബാധിതയായ വിളയില്‍ ബീന. കഴിഞ്ഞ രണ്ട് മാസത്തിലധികമായി പൂര്‍ണ്ണമായും കിടപ്പിലാണിവര്‍. സംസാര ശേഷിയും കേള്‍വി ശക്തിയും നഷ്ടപെട്ടു.
ഭര്‍ത്താവിനൊപ്പം താത്കാലിക ഷെഡിലാണ് താമസിക്കുന്ന ഇവരുടെ വീടിന്‍റെ നിര്‍മാണം പൂര്‍ത്തിയാക്കാന്‍ സഹായിക്കണമെന്നാണ് ആവശ്യം. ബന്ധു വിട്ടുകൊടുത്ത മൂന്നര സെന്‍റ് ഭൂമി മാത്രമാണ് ഈ കുടുംബത്തിന് ആകെയുള്ളത്. നിലവില്‍ ലൈഫ് മിഷന്‍ പദ്ധതിയില്‍ അനുവദിച്ച വീടിന്‍റെ പ്രാഥമിക നിര്‍മാണ ജോലികള്‍ ആരംഭിച്ചിട്ടുണ്ട്.
ദുരിത കയത്തില്‍ ബീന; ആശാ വര്‍ക്കര്‍മാരുടെ പോലും സഹായം ലഭിക്കുന്നില്ലെന്ന് പരാതി
രാജുവിന്‍റെ സുഹൃത്തുക്കളുടെ സഹായത്തോടെയാണ് നിര്‍മാണം നടക്കുന്നത്. സാമ്പത്തിക ബുദ്ധിമുട്ട് ഉള്ളതിനാല്‍ പരമാവധി ജോലികള്‍, സ്വയം ചെയ്യാനാണ് ശ്രമം. മലയോര മേഖലകളില്‍ മഴ കൂടി വര്‍ധിച്ചതോടെ ദുരിതം ഇരട്ടിയായി.