ഇടുക്കി :കൊവിഡ് പ്രതിരോധ പ്രവര്‍ത്തനങ്ങള്‍ക്ക് ജില്ലയില്‍ നിന്ന് നേതൃത്വം നല്‍കുമ്പോളും ലോക്ക് ഡൗണില്‍ വീണ് കിട്ടിയ ഒഴിവ് സമയങ്ങള്‍ കാര്‍ഷിക പ്രവര്‍ത്തനങ്ങള്‍ക്കായി മാറ്റി വച്ചിരിക്കുകയാണ് കുടിയേറ്റ കര്‍ഷകന്‍ കൂടിയായ ഇടുക്കിയുടെ മണിയാശാന്‍. പച്ചക്കറിയും കുരുമുളകും ഏലവുമടക്കം സമൃദ്ധമായ വിളനിലമാണ് മന്ത്രി എംഎം മണിയുടെ നാല്‍പ്പത്തിരണ്ട് സെൻ്റ് സ്ഥലം.
ഒഴിവ് സമയങ്ങള്‍ കാര്‍ഷിക പ്രവര്‍ത്തനങ്ങള്‍ക്കായി മാറ്റി വച്ച് ഇടുക്കിയുടെ മണിയാശാന്‍
1955ല്‍ ഇടുക്കിയിലേക്ക് വന്ന കുടിയറ്റ കര്‍ഷക കുടുംബങ്ങളില്‍ ഒന്നാണ് വൈദ്യുതിവകുപ്പ് മന്ത്രി എം എം മണിയുടേത്. ചെറുപ്പം മുതലുള്ള കൃഷിയോടുള്ള താല്‍പര്യത്തിന് ഒട്ടും കുറവില്ല. മന്ത്രിയായി സത്യ പ്രതിജ്ഞ ചെയ്ത് ചുമതലയേറ്റ ശേഷം തിരുവനന്തപുരത്തേയ്ക്ക് താമസം മാറ്റാത്തതിനുള്ള പ്രധാന കാരണവും ഇരുപതേക്കറിലെ ചെറിയ വീടും ഇവിടെയുള്ള കൃഷിയും മണ്ണിനോടുള്ള പ്രണയവുമാണ്.