ഹൈറേഞ്ചിലെ ഏലം മേഖല കടുത്ത പ്രതിസന്ധിയിൽ: എം.എം മണി

കൊവിഡ് പ്രതിസന്ധി വന്നതോടെ ഇടുക്കിയിലെ ഏലതോട്ടം മേഖല കടുത്ത വെല്ലുവിളികളാണ് നേരിടുന്നത്

ഇടുക്കി: ഹൈറേഞ്ചിലെ ഏലം മേഖല കടുത്ത പ്രതിസന്ധിയിലെന്ന് വൈദ്യുതി വകുപ്പ് മന്ത്രി എം.എം മണി. കേരളവും തമിഴ്‌നാടും കൂടിയാലോചിച്ച് തൊഴിലാളികളെ തോട്ടം മേഖലയില്‍ എത്തിയ്ക്കുന്നതിന് നടപടി സ്വീകരിക്കേണ്ടത് അത്യാവശ്യമെന്നും മന്ത്രി പറഞ്ഞു. മനെടുങ്കണ്ടം മീഡിയാ സെന്‍ററില്‍ മാധ്യമ പ്രവര്‍ത്തകരോട് സംസാരിക്കവെയാണ് മന്ത്രി ഇക്കാര്യം പറഞ്ഞ്. പതിമൂവായിരത്തിലധികം തമിഴ് തൊഴിലാളികളാണ് മുന്‍പ് ജില്ലയില്‍ എത്തിയിരുന്നത്. ഇവരുടെ അഭാവം തോട്ടം മേഖലയുടെ നില്‍പ്പിനെ ബാധിച്ചിട്ടുണ്ട്‌.

കൊവിഡ് പ്രതിസന്ധി വന്നതോടെ ഇടുക്കിയിലെ ഏലതോട്ടം മേഖല കടുത്ത വെല്ലുവിളികളാണ് നേരിടുന്നത്. കൃഷിയിടങ്ങളില്‍ ജോലിക്ക് ആളെ കിട്ടാനില്ല. തോട്ടം മേഖലയില്‍ ജോലി ചെയ്തിരുന്ന നല്ലൊരു ശതമാനം തൊഴിലാളികള്‍ തമിഴ്‌നാട്ടില്‍ നിന്നുമാണ് എത്തിയിരുന്നത്. കൊവിഡ് പരിശോധന നടത്തി ഇവരെ ജോലിക്കായി എത്തിക്കുന്നതിന് ഇരു സംസ്ഥാനങ്ങളും കൂടി ആലോചിച്ച് പദ്ധതി തയ്യാറാക്കണമെന്നും മന്ത്രി വ്യക്തമാക്കി.