ഇടുക്കി: ജില്ലയിലെ 20 ദുരിതാശ്വാസ ക്യാമ്പുകളും കുറ്റമറ്റ രീതിയില്‍ പ്രവര്‍ത്തിക്കുന്നുവെന്നും നഷ്‌ടം സംഭവിച്ചവര്‍ക്കെല്ലാം സര്‍ക്കാര്‍ സഹായം ഉറപ്പ് വരുത്തുമെന്നും മന്ത്രി സി രവീന്ദ്രനാഥ്. അടിമാലി മച്ചിപ്ലാവില്‍ പ്രവര്‍ത്തിക്കുന്ന ദുരിതാശ്വാസ ക്യാമ്പ് സന്ദര്‍ശിച്ച ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ശനിയാഴ്‌ച ഉച്ചക്ക് ശേഷമായിരുന്നു മന്ത്രി മച്ചിപ്ലാവ് അസീസി പള്ളിയുടെ ഭാഗമായുള്ള സണ്‍ഡേ സ്‌കൂളില്‍ പ്രവര്‍ത്തിച്ച് വരുന്ന ക്യാമ്പില്‍ എത്തിയത്. ദുരിതബാധിതരുടെ പ്രശ്‌നങ്ങള്‍ മന്ത്രി ചോദിച്ചറിഞ്ഞു.
ഇടുക്കിയിലെ ദുരിതാശ്വാസ ക്യാമ്പുകൾ സന്ദര്‍ശിച്ച് മന്ത്രി സി രവീന്ദ്രനാഥ്