ഇടുക്കി: ജില്ലയില്‍ കുടുംബശ്രീ യൂണിറ്റുകള്‍ കോട്ടണ്‍ മാസ്‌കുകള്‍ നിര്‍മിച്ചു. ജില്ലാ മിഷൻ്റെ കീഴിലുള്ള കുടുംബശ്രീ സംരംഭക യൂണിറ്റുകളാണ് മാസ്‌ക് നിര്‍മ്മിക്കുന്നത്. സിംഗിള്‍ ലെയര്‍ മാസ്‌കുകള്‍ക്ക് 10 രൂപയും, ഡബിൾ ലെയര്‍ മാസ്‌കുകള്‍ക്ക് 15 രൂപയുമാണ് വില.
വാഴത്തോപ്പ്, കട്ടപ്പന, ഇരട്ടയാര്‍, നെടുങ്കണ്ടം, മാങ്കുളം, വെള്ളത്തൂവല്‍, അടിമാലി, മണക്കാട്, ഉടുമ്പന്നൂര്‍ തുടങ്ങി പതിനാറോളം പഞ്ചായത്തുകളിലെ കുടുംബശ്രീ യൂണിറ്റുകളിലും പാമ്പാടുംപാറ പഞ്ചായത്തില്‍ പ്രവര്‍ത്തിക്കുന്ന അപ്പാരല്‍ പാര്‍ക്കിലുമാണ് മാസ്‌ക് ഉണ്ടാക്കുന്നത്.
കോട്ടണ്‍ മാസ്‌കുകള്‍ നിര്‍മിച്ച് കുടുംബശ്രീ യൂണിറ്റുകള്‍ - പ്രതിഫലം
5,000 മാസ്‌കുകള്‍ വിതരണത്തിനായി കുടുംബശ്രീ ജില്ലാ മിഷനില്‍ ശേഖരിച്ചിട്ടുണ്ട്. ഇവ അടുത്ത ദിവസം വിതരണം ചെയ്യും
കോട്ടണ്‍ മാസ്‌കുകള്‍ നിര്‍മിച്ച് കുടുംബശ്രീ യൂണിറ്റുകള്‍
ഇതുവരെ 12,000 മാസ്‌കുകള്‍ കുടുംബശ്രീ യൂണിറ്റുകള്‍ നിര്‍മിച്ച് വിതരണം ചെയ്തു. 5,000 മാസ്‌കുകള്‍ വിതരണത്തിനായി കുടുംബശ്രീ ജില്ലാ മിഷനില്‍ ശേഖരിച്ചിട്ടുണ്ട്. ഇവ അടുത്ത ദിവസം വിതരണം ചെയ്യും. തിരുവനന്തപുരം കുടുംബശ്രീ മിഷനിലേക്കും ഇവിടെ നിന്നു മാസ്‌ക് എത്തിച്ചു നല്‍കിയിട്ടുണ്ട്. കൂടാതെ പ്രാഥമികാരോഗ്യ കേന്ദ്രങ്ങള്‍, വ്യാപാര സ്ഥാപനങ്ങള്‍, മെഡിക്കല്‍ സ്റ്റോറുകള്‍, ടൂറിസം വകുപ്പ് എന്നിവര്‍ക്കും മാസ്‌കുകള്‍ നല്‍കി. കോട്ടണ്‍ തുണികൊണ്ട് നിര്‍മിക്കുന്ന മാസ്‌കുകള്‍ വീണ്ടും കഴുകി ഉപയോഗിക്കാമെന്നതുകൊണ്ട് കുടുംബശ്രീ മാസ്‌കുകള്‍ക്ക് ആവശ്യക്കാര്‍ ഏറെയാണ്. നിര്‍മാണ സാമഗ്രികള്‍ക്കു വേണ്ടി വരുന്ന തുകയ്ക്കുപുറമേ ചെറിയ പ്രതിഫലം മാത്രമാണ് കുടുംബശ്രീ അംഗങ്ങള്‍ക്ക് ലഭിക്കുന്നത്.