ഇടുക്കി: മാങ്കുളത്തിന് വശ്യമനോഹാരിത നല്‍കുന്ന കാനനവും കാട്ടാറുകളുമെല്ലാം ഉണര്‍ന്ന് കഴിഞ്ഞു. മണ്‍സൂണ്‍ കാലത്ത് സമൃദ്ധമാകുന്ന ജലപാതങ്ങള്‍ മാങ്കുളത്തിന് പറഞ്ഞറിയിക്കാനാവാത്ത ആകര്‍ഷണം നല്‍കുന്നുണ്ട്. പക്ഷേ കൊവിഡ് ഭീതിയില്‍ സഞ്ചാരികള്‍ മാങ്കുളത്തെ കൈവിട്ടിട്ട് അഞ്ച് മാസത്തോട് അടുക്കുകയാണ്. മൂന്നാറുമായി ചേര്‍ന്ന് കിടക്കുന്ന മാങ്കുളത്തിന്‍റെ വിനോദ സഞ്ചാരമേഖല പതിയെ വളര്‍ന്നു വരുന്നതിനിടയിലായിരുന്നു കൊവിഡ് പിടിമുറുക്കിയതും സഞ്ചാരികള്‍ക്ക് വിലക്ക് വീണതും. മധ്യവേനലവധിക്കാലത്തും മണ്‍സൂണ്‍കാലത്തും ലഭിക്കേണ്ടിയിരുന്ന വരുമാനം ഇല്ലാതായതോടെ വിനോദസഞ്ചാരമേഖലയെ ആശ്രയിച്ച് മുമ്പോട്ട് പോയിരുന്ന മേഖലകളില്‍ എല്ലാം സാമ്പത്തിക പ്രതിസന്ധി പിടിമുറുക്കി കഴിഞ്ഞു.
കൊവിഡ് ഭീതിയില്‍ തകര്‍ന്നടിഞ്ഞ് മാങ്കുളത്തിന്‍റെ വിനോദ സഞ്ചാര മേഖല