ഇടുക്കി :അടിമാലി തുമ്പിപ്പാറകുടിയിൽ അയൽവാസിയുടെ ആക്രമണത്തിൽ മധ്യവയസ്‌കൻ കൊല്ലപ്പെട്ടു. തുമ്പിപ്പാറകുടി സ്വദേശി റോയി ഓനനാണ് കൊല്ലപ്പെട്ടത്. സംഭവവുമായി ബന്ധപ്പെട്ട് മരിച്ച റോയിയുടെ അയൽവാസി ശശി രാമൻ പൊലീസ് പിടിയിലായി. പ്രതിയെ കോടതിയിൽ ഹാജരാക്കി റിമാൻഡ് ചെയ്‌തു.
വാക്കേറ്റം കലാശിച്ചത് കത്തിക്കുത്തിൽ ; അയൽവാസിയുടെ ആക്രമണത്തിൽ മധ്യവയസ്‌കൻ കൊല്ലപ്പെട്ടു - man murdered by neighbor idukki
മുൻ വൈരാഗ്യത്തെ തുടർന്ന് നടന്ന വാക്കേറ്റമാണ് കത്തിക്കുത്തിൽ കലാശിച്ചത്. തുമ്പിപ്പാറകുടി സ്വദേശി റോയി ഓനനാണ് കൊല്ലപ്പെട്ടത്
വാക്കേറ്റം കലാശിച്ചത് കത്തിക്കുത്തിൽ; അയൽവാസിയുടെ ആക്രമണത്തിൽ മധ്യവയസ്‌കൻ കൊല്ലപ്പെട്ടു
ഇന്നലെ വൈകുന്നേരം ആറുമണിയോടെയാണ് (13.08.22) സംഭവം. മുൻ വൈരാഗ്യത്തെ തുടർന്ന് നടന്ന വാക്കേറ്റമാണ് കത്തിക്കുത്തിൽ കലാശിച്ചതെന്ന് പൊലീസ് പറയുന്നു. മദ്യപിച്ചെത്തിയ ശശി റോയിയുമായി വാക്കേറ്റത്തിൽ ഏർപ്പെട്ടു. ഇത് കയ്യേറ്റത്തിൽ എത്തുകയും, തുടർന്ന് ശശി കയ്യിലിരുന്ന കത്തി ഉപയോഗിച്ച് റോയിയെ കുത്തുകയുമായിരുന്നു.
ഈ സമയം വീട്ടിലുണ്ടായിരുന്ന റോയിയുടെ ഭാര്യയുടെ നിലവിളി കേട്ട് അയൽവാസികൾ എത്തിയെങ്കിലും റോയി സംഭവസ്ഥലത്ത് വച്ചുതന്നെ മരിച്ചു. തുടർന്ന് അടിമാലി പൊലീസ് എസ്.എച്ച്.ഒയുടെ നേതൃത്വത്തിലുള്ള പൊലീസ് സംഘം സംഭവസ്ഥലത്തെത്തി ശശിയെ പിടികൂടി. റോയിയുടെ മൃതദേഹം പിന്നീട് അടിമാലി താലൂക്ക് ആശുപത്രി മോർച്ചറിയിലേക്ക് മാറ്റി.