മലപ്പുറം : വേദന തിന്ന് കഴിയുന്ന ക്യാന്‍സര്‍ രോഗികള്‍ക്ക് ആശ്വാസവുമായി നാല് സഹോദരങ്ങള്‍. മലപ്പുറം വളവന്നൂരിലെ മയ്യേരി കുടുംബത്തിലെ നദീറും സഹോദരിമാരുമാണ് താലോലിച്ച് നീട്ടി വളര്‍ത്തിയ തലമുടി ക്യാന്‍സര്‍ പോരാളികൾക്കായി മുറിച്ചുനല്‍കിയത്. വലിയൊരു കാരുണ്യ പ്രവൃത്തിയിലൂടെ നാടിന് അഭിമാനമായി മാറിയിരിക്കുകയാണ് നാലുപേരും.
തൃശൂര്‍ ബ്ലഡ്,ഹെയര്‍ ഡൊണേഷന്‍ യൂണിറ്റിനാണ് ഇവര്‍ മുടി നല്‍കിയത്. നദീറിനൊപ്പം മയ്യേരി തറവാട്ടിലെ ഇളംതലമുറക്കാരായ ലിഫ്‌ന, ലിംന, റഷ എന്നീ മൂന്ന് മിടുക്കികുട്ടികളും തങ്ങളുടെ ഭംഗിയേറിയ തലമുടി ക്യാന്‍സര്‍ രോഗികള്‍ക്കായി നല്‍കിയപ്പോള്‍ ഈ കാരുണ്യ പ്രവര്‍ത്തനം മയ്യേരി തറവാടിന്‍റെ ജീവകാരുണ്യ പ്രവര്‍ത്തന രംഗത്തെ മഹത്തായ പാരമ്പര്യത്തിന്‍റെ തുടര്‍ച്ചയായി മാറുകയും ചെയ്തു.
ക്യാന്‍സര്‍ രോഗികള്‍ക്ക് കൈത്താങ്ങ് ; താലോലിച്ച് വളർത്തിയ മുടി മുറിച്ചുനല്‍കി മലപ്പുറത്തെ സഹോദരങ്ങള്‍