ഇടുക്കി: കേരള - തമിഴ്‌നാട് അതിർത്തി ഗ്രാമമായ ബോഡിനായ്‌ക്കന്നൂരിൽ ലോഡ്‌ജ് ഉടമയെ പട്ടാപ്പകൽ വെട്ടിക്കൊലപ്പെടുത്തി. വിമുക്ത സൈനികനും ബോഡിനായ്‌ക്കന്നൂർ സ്വദേശിയുമായ രാധാകൃഷ്‌ണനാണ് കൊല്ലപ്പെട്ടത്. ബോഡി കാമരാജ് ബസാറിലെ ലോഡ്‌ജിൽ നിന്നും ശനിയാഴ്‌ച(30.07.2022) രാവിലെ വീട്ടിലേക്ക് പോകുംവഴിയാണ് ആക്രമണം ഉണ്ടായത്.
കേരള- തമിഴ്‌നാട് അതിർത്തിയിൽ ലോഡ്‌ജ് ഉടമയെ പട്ടാപ്പകൽ വെട്ടിക്കൊലപ്പെടുത്തി
കേരള രജിസ്‌ട്രേഷൻ നമ്പരിലുള്ള ജീപ്പിൽ എത്തിയ നാലംഗ സംഘം തലയിലും നെഞ്ചിലും ഉൾപ്പെടെ വടിവാള് കൊണ്ട് വെട്ടുകയായിരുന്നു. ഗുരുതരമായി മുറിവേറ്റ് രക്തം വാർന്ന രാധാകൃഷ്‌ണൻ സംഭവസ്ഥലത്ത് വച്ചുതന്നെ മരിച്ചു.