ഇടുക്കി: ആനച്ചാൽ മേഖലയിൽ വീണ്ടും പുലിയുടെ സാന്നിധ്യം തിരിച്ചറിഞ്ഞതോടെ ജനങ്ങൾ ഭീതിയിലാണ്. ഈ ഭീതി മുതലെടുത്ത് പ്രദേശത്ത് മോഷണം വ്യാപകമാക്കുകയാണ് സംഘം. ചിത്തിരപുരം പവര്‍ ഹൗസ്, കുഞ്ചിത്തണ്ണി, ഇരുപതേക്കര്‍, പൊട്ടന്‍കാട് ഭാഗങ്ങളിലെ വിവിധ ദേവാലയങ്ങളുടെയും കപ്പേളകളുടെയും ക്ഷേത്രങ്ങളുടെയും ഭണ്ഡാരങ്ങള്‍ കഴിഞ്ഞ ദിവസം രാത്രിയിൽ മോഷണസംഘം കുത്തിപ്പൊളിച്ച് പണം കവർന്നു.
പുലിയുടെ മറവിൽ ഇടുക്കിയിൽ മോഷണം
രാവിലെ ഭണ്ഡാരങ്ങളുടെ പൂട്ട് തകര്‍ന്ന് കിടക്കുന്നത് ശ്രദ്ധയില്‍പ്പെട്ടതോടെയാണ് മോഷണ വിവരം നാട്ടുകാർ അറിയുന്നത്. കഴിഞ്ഞ രാത്രിയില്‍ ആറ് ഇടങ്ങളിലാണ് സമാന രീതിയില്‍ ഭണ്ഡാരം തകര്‍ത്ത് മോഷണം നടത്തിയിട്ടുള്ളത്. പുലിയുടെ സാന്നിധ്യമുണ്ടയതോടെ സന്ധ്യമയങ്ങിയാൽ നാൽകവലകളും വ്യാപാര സ്ഥാപനങ്ങളുമെല്ലാം ആളൊഴിഞ്ഞ അവസ്ഥയാണ് നിലവിലുള്ളത്.