ഇടുക്കി: അടിമാലി താലൂക്ക് ആശുപത്രിയിലെ പ്രസവ മുറിയും വാര്‍ഡും അടഞ്ഞുകിടക്കാൻ തുടങ്ങിയിട്ട് ആഴ്‌ചകൾ പിന്നിടുന്നു. പ്രസവമുറിയോട് ചേര്‍ന്നുള്ള പഴയ ആശുപത്രി കെട്ടിടം പൊളിച്ചു നീക്കുന്നതിന്‍റെ ഭാഗമായിട്ടായിരുന്നു പ്രസവ മുറിയും വാര്‍ഡും താല്‍ക്കാലികമായി അടച്ചിട്ടത്. പൊളിക്കല്‍ ജോലികള്‍ പൂര്‍ത്തീകരിച്ച് ഈ മാസം അഞ്ചിന് മുറിയും വാര്‍ഡും തുറക്കുമെന്നാണ് അറിയിച്ചിരുന്നത്. എന്നാല്‍ മുറിയുടെയും വാര്‍ഡിന്‍റെയും പ്രവര്‍ത്തനം നടക്കണമെങ്കില്‍ ഇനിയും ദിവസങ്ങള്‍ വേണ്ടി വരും. ഒരു മാസം അഞ്ഞൂറിനടുത്ത പ്രസവങ്ങള്‍ നടന്നിരുന്ന ആശുപത്രിയിലെ പ്രസവ വാര്‍ഡും മുറിയും അടഞ്ഞ് കിടക്കുന്നത് വലിയ ബുദ്ധിമുട്ടാണ് സൃഷ്ടിക്കുന്നത്.
അടിമാലി താലൂക്ക് ആശുപത്രിയിലെ പ്രസവ മുറിയും വാര്‍ഡും പ്രവര്‍ത്തനരഹിതമായിട്ട് ആഴ്‌ചകൾ പിന്നിടുന്നു