ഇടുക്കി: സര്‍വ്വീസ് നിര്‍ത്തിയ മൂന്നാര്‍- മറയൂര്‍ റൂട്ടില്‍ വീണ്ടും കെ എസ് ആര്‍ ടി സി ബസ്സ് സര്‍വ്വീസ് പുനരാരംഭിക്കുമെന്ന് ദേവികുളം എം എല്‍ എ എസ് രാജേന്ദ്രന്‍. ദീര്‍ഘ ദൂര സര്‍വ്വീസില്‍ നിന്നും മറയൂരിലേയ്ക്കുള്ള സര്‍വ്വീസ് കെ എസ് ആര്‍ ടി സി നിര്‍ത്തിയത് കഴിഞ്ഞ ദിവസം ഈ റ്റി വി റിപ്പോർട്ട് ചെയ്‌തിരുന്നു. ഇതേ തുടര്‍ന്നാണ് അധികൃതരുടെ അടിയന്തിര ഇടപെടല്‍. കഴിഞ്ഞ പതിനാറിനാണ് തിരുവനന്തപുരത്തുനിന്നും മറയൂരിലേക്ക് കെ എസ് ആര്‍ ടി സി ദീർഘദൂര സര്‍വ്വീസ് ആരംഭിച്ചത്. എന്നാല്‍ ഏതാനും ദിവസങ്ങള്‍കൊണ്ട് സര്‍വ്വീസ് ദൂരം മൂന്നാര്‍വരെയാക്കി വെട്ടിക്കുറയ്ക്കുകയായിരുന്നു.
മൂന്നാര്‍- മറയൂര്‍ റൂട്ടില്‍ കെ എസ് ആര്‍ ടി സി സര്‍വ്വീസ് പുനരാരംഭിക്കും