ഇടുക്കി: ഇത്തവണത്തെ തദ്ദേശ സ്വയംഭരണ തെരഞ്ഞെടുപ്പില്‍ സ്വീകരിക്കേണ്ട നിലപാട് സംബന്ധിച്ച് ഡിസംബര്‍ രണ്ടിന് കെപിഎംഎസിന്‍റെ പ്രഖ്യാപനമുണ്ടാകുമെന്ന് കെപിഎംഎസ് സംസ്ഥാന ജനറല്‍ സെക്രട്ടറി പുന്നല ശ്രീകുമാര്‍. കെപിഎംഎസ് ഇടുക്കി ജില്ലാ സമ്മേളനം അടിമാലിയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദേഹം. സംവരണവും സംരക്ഷണവുമില്ലാത്ത ഒരു കാലത്തും ജീവിക്കാന്‍ കഴിയുന്ന തരത്തില്‍ ഒരു സമൂഹത്തെ സൃഷ്ടിക്കുക എന്നതാണ് കെപിഎംഎസിന്‍റെ ഉത്തരവാദിത്വമെന്നും പുന്നല ശ്രീകുമാര്‍ പറഞ്ഞു.
തദ്ദേശ തെരഞ്ഞെടുപ്പിൽ കെപിഎംഎസിന്‍റെ നിലപാട് ഡിസംബര്‍ രണ്ടിന്