പാലത്തിന് മധ്യത്തിൽ ഡിവൈഡർ; ദേശീയപാതയിൽ ഉപരോധം - കൊച്ചി-ധനുഷ്കോടി ദേശീയപാത ഉപരോധം
അപകടം വര്‍ധിക്കുന്നുവെന്ന് പരാതി
കൊച്ചി-ധനുഷ്കോടി ദേശീയപാത ഉപരോധം strike against divider
ഇടുക്കി: പൂപ്പാറ പാലത്തിന്‍റെ മധ്യത്തില്‍ നിര്‍മിച്ചിരിക്കുന്ന ഡിവൈഡർ പൊളിച്ചു മാറ്റണമെന്ന് ആവശ്യപ്പെട്ട് കൊച്ചി - ധനുഷ്കോടി ദേശീയപാത ഉപരോധിച്ചു. ഓട്ടോ-ടാക്‌സി ഡ്രൈവേഴ്‌സ് യൂണിയന്‍റെ (സിഐടി യു) നേതൃത്വത്തിലാണ് ദേശീയപാത ഉപരോധിച്ചത്. ദേശീയപാതയും സംസ്ഥാനപാതയും സംഗമിക്കുന്ന പൂപ്പാറ ടൗണിലെ പാലത്തിന് മധ്യേ നിർമ്മിച്ചിരിക്കുന്ന ഡിവൈഡര്‍ കാരണം അപകടങ്ങള്‍ വര്‍ധിച്ചിരുന്നു. ഇതിനെ തുടര്‍ന്നായിരുന്നു ഉപരോധം. ഡിവൈഡർ നീക്കം ചെയ്‌തില്ലെങ്കിൽ ശക്‌തമായ സമരത്തിന് നേതൃത്വം നൽകുമെന്ന് സിഐടിയു സംസ്ഥാനകമ്മിറ്റി അംഗം ശിവൻ കുറുമാത്ത് പറഞ്ഞു. ഡിവൈഡറിലെ അപാകം കാരണം ഓണാവധിക്കാലത്ത് നിരവധിപേരാണ് അപകടത്തില്‍പ്പെട്ടത്.
കൊച്ചി-ധനുഷ്കോടി ദേശീയപാത ഉപരോധം