ഇടുക്കി: കട്ടപ്പന നഗരസഭയിലെ ഉരുൾപൊട്ടലിൽ തകർന്ന പ്രദേശങ്ങൾ കില സംഘം സന്ദർശിച്ചു. വീണ്ടുമൊരു ദുരന്തമുണ്ടായാൽ അതിൽ നിന്നും രക്ഷനേടാൻ എന്തൊക്കെ മാർഗങ്ങൾ സ്വീകരിക്കണമെന്നതിനെ കുറിച്ച്‌ പഠിച്ച് റിപ്പോർട്ട് തയ്യാറാക്കുകയാണ് സംഘത്തിന്‍റെ ലക്ഷ്യം. നഗരസഭയിലെ നാല് മേഖലകളിലാണ് കഴിഞ്ഞ പ്രളയകാലത്ത് ഉരുൾപൊട്ടലുണ്ടായത്. കുന്തളം പാറ, തവളപ്പാറ, കല്ലുകുന്ന്, നിർമല സിറ്റി മേഖലകളിലെ ഉരുൾപൊട്ടലിൽ ഏക്കറുകണക്കിന് കൃഷിസ്ഥലങ്ങളും നാല് വീടുകളും ഒലിച്ചുപോയിരുന്നു.
പ്രളയബാധിത പ്രദേശങ്ങൾ സന്ദര്‍ശിച്ച് കില സംഘം