ഇടുക്കി: ശാന്തൻപാറ വില്ലേജിൽ സ്ഥിരതാമസക്കാരായ കർഷകരെ കൈയേറ്റക്കാരും ഭൂമാഫിയയുമായി റവന്യൂ വകുപ്പ് ചിത്രീകരിക്കുന്നുവെന്ന് ആക്ഷേപം. വിച്ഛേദിച്ച വൈദ്യുതി കണക്ഷന്‍ പുനസ്ഥാപിക്കുക, എന്‍ഒസി നല്‍കുക എന്നീ ആവശ്യങ്ങളാണ് കര്‍ഷകര്‍ ഉന്നയിക്കുന്നത്.
വെദ്യുതി കണക്ഷൻ ലഭിക്കുന്നതിനുള്ള എൻ ഒ സി ലഭിക്കാത്തത് കര്‍ഷകരെ വലച്ചിരിക്കുകയാണ്.
സംസ്ഥാന വൈദ്യുതി വകുപ്പ് മന്ത്രി എം. എം മണിയുടെ ഇടപെടലിൽ കർഷകർക്ക് വൈദ്യുതി അനുവദിച്ചിരുന്നു. എന്നാൽ, പരിസ്ഥിതിപ്രവർത്തകർ നൽകിയ പരാതിയുടെ അടിസ്ഥാനത്തിൽ വന്ന ഹൈക്കോടതി ഉത്തരവിനെത്തുടർന്നാണ് വൈദ്യുതിബന്ധം വിച്ഛേദിക്കുകയായിരുന്നു.
ഇതോടെ ഏലക്കാ ഉണക്കി സംസ്‌കരിക്കുന്നതിനും മറ്റ് കാർഷിക പ്രവർത്തനങ്ങൾക്കും വൈദ്യുതി ലഭിക്കാതെ ദുരിതത്തിലായിരിക്കുകയാണ് ശാന്തൻപാറയിലെ കർഷകർ. വൻകിട ഭൂമാഫിയയുടെയും റിസോർട്ട് ഉടമകളുടെയും കടന്നുകയറ്റത്തെ തുടർന്ന് നടപ്പിലാക്കിയ ശക്‌തമായ നിയമവ്യവസ്‌ഥകളാണ് കർഷകർക്ക് തിരിച്ചടിയായത്.
സി ഏച്ച് ആർ മേഖലയിൽ ഏലക്കാ ഉണക്കി സംസ്‌കരിക്കുന്നതിനായി കാർഡമം ഡ്രയറും അതിനോട് അനുബന്ധിച്ച് ഒരു മുറിയും പണിയുവാൻ പശ്ചിമഘട്ടസംരക്ഷണ നിയമങ്ങൾ അനുവദിക്കുന്നുണ്ടെങ്കിലും പരിസ്ഥിതി ലോലപ്രദേശമെന്ന കാരണത്താൽ റവന്യു വകുപ്പിൽ നിന്നും കർഷകർക്ക് എൻ ഒ സി ലഭിക്കുന്നില്ല. ഇതോടെ ദൂരെയുള്ള ഡ്രയറുകളെ ആശ്രയിക്കേണ്ട അവസ്ഥയാണ് കർഷകർക്ക്.
വൈദ്യുതി വകുപ്പ് മന്ത്രിക്ക് പരാതി നൽകിയതിനെത്തുടർന്ന് മന്ത്രിസഭാ അംഗീകാരത്തിൽ, നോ ഒബ്‌ജക്ഷൻ സർട്ടിഫിക്കറ്റ് ഇല്ലാതെ ചെറുകിട കർഷകർക്ക് വൈദ്യുതി നൽകാനുള്ള ഉത്തരവുമുണ്ടായി.
തുടർന്ന് ശാന്തൻപാറ വില്ലേജിലെ നിരവധി കർഷകർക്ക് വൈദ്യുതി ലഭിച്ചെങ്കിലും ഹൈക്കോടതി ഉത്തരവ് കർഷകർക്കുള്ള വൈദ്യുതി കണക്ഷൻ വിച്ഛേദിച്ചു. റവന്യൂ വകുപ്പിന്‍റെ നടപടി പ്രതിഷേധാര്‍ഹമാണെന്ന് പൊ തുപ്രവര്‍ത്തകരും അഭിപ്രായപ്പെടുന്നു.
ഇടുക്കിയിലെ ഏലം കർഷകർ ഇടുക്കിയിലെ ഏലം കർഷകരെ പ്രതിസന്ധിയിലാക്കി റവന്യൂ
