ഇടുക്കി: കേരള കോണ്‍ഗ്രസ് എം ജില്ലാ കമ്മറ്റിയുടെ നേതൃത്വത്തില്‍ നടക്കുന്ന കര്‍ഷക സംരക്ഷണ ജാഥ രണ്ടാം ദിനം പിന്നിട്ടു. രണ്ടാം ദിവസത്തെ പ്രതിഷേധ പര്യടനം അടിമാലിയില്‍ നിന്നാണ് ആരംഭിച്ചത്. ജില്ലയിലെ നിര്‍മാണ നിരോധന ഉത്തരവ് പിന്‍വലിക്കുക,1964ലെ ഭൂപതിവ് ചട്ടങ്ങളില്‍ നിയമ ഭേതഗതി വരുത്തുക തുടങ്ങിയ വിവിധ ആവശ്യങ്ങള്‍ ഉന്നയിച്ചാണ് പര്യടനം. വിവാദ ഉത്തരവ് സംബന്ധിച്ച് കോണ്‍ഗ്രസും വ്യാപാരി വ്യവസായി ഏകോപന സമിതിയും ജെഎസ്എസും പ്രത്യക്ഷ സമരവുമായി രംഗത്തു വന്നതിന് പിന്നാലെയാണ് പ്രതിഷേധവുമായി കേരള കോണ്‍ഗ്രസും രംഗത്തെത്തിയത്.
കേരള കോണ്‍ഗ്രസ് കര്‍ഷക സംരക്ഷണ ജാഥ രണ്ടാം ദിനം പിന്നിട്ടു