ഇടുക്കി: പഴം പച്ചക്കറി കര്‍ഷകര്‍ക്ക് എസ്എച്ച്എം പദ്ധതിയില്‍ ഉള്‍പ്പെടുത്തി അനുവദിച്ച ധനസഹായം ലഭ്യമാക്കുന്നതില്‍ വീഴ്ച്ച വരുത്തിയതായി ആരോപണം. 2018ലെ പ്രളയത്തില്‍ നഷ്ടം സംഭവിച്ച പഴം പച്ചക്കറി കര്‍ഷകര്‍ക്ക് വിഎഫ്പിസികെയുടെ മേല്‍നോട്ടത്തില്‍ എസ്എച്ച്എം പദ്ധതിയില്‍ ഉള്‍പ്പെടുത്തി അനുവദിച്ച 97 ലക്ഷം രൂപയുടെ ധനസഹായം ലഭിച്ചിട്ടില്ലെന്നാണ് കര്‍ഷക ഫെഡറേഷന്‍ ആരോപിക്കുന്നത്. ജില്ലയിലെ 19 സ്വാശ്രയ കര്‍ഷക വിപണികളിലൂടെ സ്റ്റേറ്റ് ഹോര്‍ട്ടി കോര്‍പ്പ് മിഷന്‍റെ സ്റ്റാളുകളില്‍ സാധനങ്ങള്‍ കൊടുത്ത ഇനത്തില്‍ പണം ലഭിക്കാനുണ്ടെന്നും ഈ തുക വാങ്ങി നല്‍കാന്‍ വിഎഫ്പിസികെയുമായി ബന്ധപ്പെട്ടവര്‍ തയ്യാറാകുന്നില്ലെന്നും ഫെഡറേഷന്‍ ഭാരവാഹികള്‍ വാര്‍ത്താ സമ്മേളനത്തില്‍ ആരോപിച്ചു.
ഇടുക്കിയിലെ പഴം പച്ചക്കറി കര്‍ഷകര്‍ ധര്‍ണ്ണാ സമരത്തിലേക്ക്