ഇടുക്കി :നെടുങ്കണ്ടത്ത് വിതരണം ചെയ്‌ത റേഷനരിയില്‍ വണ്ടുകളെയും ചെറുപ്രാണികളേയും കണ്ടെത്തി. ഉപയോഗ ശൂന്യമായ അരി ഉപഭോക്താക്കള്‍ തിരികെ എത്തിച്ചു. സംഭവത്തില്‍ വിശദമായ അന്വേഷണം നടത്തുമെന്നും പകരം അരി വിതരണം ചെയ്യുമെന്നും സപ്ലൈകോ അധികൃതര്‍ അറിയിച്ചു.
നെടുങ്കണ്ടം കിഴക്കേ കവലയില്‍ പ്രവര്‍ത്തിക്കുന്ന റേഷന്‍ വ്യാപാര സ്ഥാപനത്തില്‍ നിന്ന് വിതരണം ചെയ്‌ത അരിയിലാണ് വണ്ടുകളെയും ചെറുപ്രാണികളെയും കണ്ടെത്തിയത്. കഴിഞ്ഞ ദിവസങ്ങളില്‍ റേഷന്‍ സാധനങ്ങള്‍ വാങ്ങിയ നിരവധി ഉപഭോക്താക്കള്‍ക്ക് ഉപയോഗ ശൂന്യമായ അരിയാണ് ലഭിച്ചത്. ഇവരില്‍ പലരും അരി തിരികെ എത്തിച്ചതിനെ തുടർന്ന് റേഷന്‍ സ്ഥാപന ഉടമ പകരം അരി വിതരണം ചെയ്‌തിരുന്നു.
നെടുങ്കണ്ടത്ത് റേഷന്‍ അരിയില്‍ വണ്ടുകൾ; അന്വേഷണം നടത്തുമെന്ന് സപ്ലൈകോ