ഇടുക്കി: വൈറലായി സംസ്ഥാന ടൂറിസം വകുപ്പിന്‍റെ പരസ്യചിത്രമായ 'കേരള ദി ലാൻഡ് ഓഫ് നേച്ചർ'. ഇടുക്കിയിലെ പ്രധാന വിനോദ സഞ്ചാര കേന്ദ്രങ്ങളെ കോർത്തിണക്കി അണിയിച്ചൊരുക്കിയ പരസ്യം ഇതിനോടകം സോഷ്യല്‍ മീഡിയയില്‍ ഹിറ്റായി കഴിഞ്ഞു.
ടൂറിസം വകുപ്പിന്‍റെ പരസ്യത്തില്‍ അതി സുന്ദരിയായി ഇടുക്കി, വൈറല്‍ വീഡിയോ
പാൽനുരച്ചാർത്തുകളും, മലനിരകളും, അണക്കെട്ടുകളും, വന്യജീവി സങ്കേതങ്ങളും, സുഗന്ധവ്യഞ്‌ജന തോട്ടങ്ങളും, കാനന ഭംഗിയുമെല്ലാം ഉൾക്കൊള്ളിച്ച് അണിയിച്ചൊരുക്കിയ ഈ പരസ്യ ചിത്രം ഇടുക്കിയുടെ മനോഹാരിത വിളിച്ചോതുന്നു. കൊവിഡ് തീർത്ത പ്രതിസന്ധികളെ മറികടക്കാൻ കൂടുതൽ സഞ്ചാരികളെ ആകർഷിക്കുക എന്നതാണ് ടൂറിസം വകുപ്പിന്‍റെ ലക്ഷ്യം.