ഇടുക്കി : സ്‌കൂളുകളിലെ ഉച്ചഭക്ഷണ പദ്ധതിയുടെ ഫണ്ട് ലഭിക്കാൻ കാനറ ബാങ്കിൽ അക്കൗണ്ട് തുടങ്ങണമെന്ന കേന്ദ്രസർക്കാർ ഉത്തരവ് തോട്ടം മേഖലയിലെ പ്രധാനാധ്യാപകർക്ക് തലവേദനയാകുന്നു. കാനറ ബാങ്ക് ശാഖകളില്ലാത്ത ഹൈറേഞ്ചിലെ തോട്ടംമേഖല ഉൾപ്പെടുന്ന ഉടുമ്പൻചോല, പീരുമേട്, ദേവികുളം താലൂക്കുകളിലെ സ്‌കൂളുകളിലെ പ്രധാനാധ്യാപകരാണ് കേന്ദ്ര സർക്കാരിന്‍റെ ഉത്തരവുമൂലം ദുരിതത്തിലായിരിക്കുന്നത്.
സ്‌കൂളുകളിലെ കുട്ടികൾക്കുള്ള ഉച്ചഭക്ഷണ പദ്ധതിയുടെ ഫണ്ട് ഇതുവരെ കേന്ദ്രസർക്കാർ എസ്‌ബിഐ വഴിയാണ് വിതരണം ചെയ്‌തിരുന്നത്. എന്നാൽ കേന്ദ്രസർക്കാരിന്‍റെ പുതിയ ഉത്തരവ് പ്രകാരം നവംബർ ഒന്നുമുതൽ ഫണ്ട് കാനറ ബാങ്കുകൾ വഴി മാത്രമേ വിതരണം നടത്തുകയുള്ളൂ.
ഉച്ചഭക്ഷണ പദ്ധതി ഫണ്ടിന് കാനറ അക്കൗണ്ട് ; കേന്ദ്ര ഉത്തരവിൽ കുഴഞ്ഞ് ഹൈറേഞ്ചിലെ പ്രധാനാധ്യാപകർ