ഇടുക്കി:കനത്ത മഴയില്‍ കിടപ്പാടം നഷ്‌ടമാകുമെന്ന ആശങ്കയില്‍ ഇടുക്കി നെടുങ്കണ്ടം കുന്നുകുഴി നിവാസികള്‍. തുടര്‍ച്ചയായി പെയ്യുന്ന ശക്തമായ മഴയില്‍ കിടപ്പാടം നഷ്ടമാകുമോ എന്ന ആശങ്കയിലാണ് ഇടുക്കി നെടുങ്കണ്ടം പ്രദേശവാസികള്‍.
മലവെള്ള പാച്ചിലില്‍ വീടുകളുടെ സമീപത്ത് നിന്നും മണ്ണ് തുടര്‍ച്ചയായി ഒലിച്ച് പോകുന്നതിനാല്‍, വീടുകള്‍ അപകടാവസ്ഥയിലാണ്. അപകട ഭീഷണി നിലനില്‍ക്കുന്ന സാഹചര്യത്തില്‍ പ്രദേശവാസികളെ ദുരിതാശ്വാസ ക്യാമ്പിലേയ്ക്ക് മാറ്റിയിട്ടുണ്ട്.
കിടപ്പാടം നഷ്‌ടമാകുമെന്ന ആശങ്കയില്‍ നെടുങ്കണ്ടം നിവാസികള്‍
കുത്തനെയുള്ള മലഞ്ചെരുവിലാണ് കുന്നുകുഴിയിലെ അഞ്ച് വീടുകള്‍ സ്ഥിതി ചെയ്യുന്നത്. തുടര്‍ച്ചയായി പെയ്യുന്ന കനത്ത മഴയെ തുടര്‍ന്ന്, മലമുകളില്‍ നിന്നെത്തുന്ന മഴവെള്ളം ഇവരുടെ വീടുകള്‍ അപകടാവസ്ഥയിലാക്കിയിരിക്കുയാണ്. പല വീടുകളുടെയും പുറക് ഭാഗത്ത് നിന്നും വന്‍ തോതില്‍ മണ്ണ് ഒലിച്ചു പോവുകയും ചെയ്തു.