ഇടുക്കി: മാങ്കുളം ഉൾപ്പെടെയുള്ള മേഖലകളില്‍ വന്യജീവികുടെ ആക്രമണം രൂക്ഷമാകുന്നതായി പരാതി. വന്യജീവി ആക്രമണം തടയാൻ വനംവകുപ്പ് കൃത്യമായ ഇടപെടല്‍ നടത്തണമെന്ന ആവശ്യവുമായി ഡീൻ കുര്യാക്കോസ് എം.പി രംഗത്ത് എത്തി. ജാഗ്രത സമിതികള്‍ മുഖേന ഒരോ പ്രദേശത്തേയും വന്യജീവി ആക്രമണം ചെറുക്കാന്‍ ആവശ്യമായ നിര്‍ദേശങ്ങള്‍ സര്‍ക്കാരിന് സമര്‍പ്പിക്കണമെന്ന് ഡീൻ കുര്യാക്കോസ് എംപി ആവശ്യപ്പെട്ടു. ഇത് സർക്കാർ അംഗീകരിക്കണം. ഫണ്ടിന്‍റെ അപര്യാപ്‌തത ചൂണ്ടിക്കാട്ടിയാണ് പലപ്പോഴും പ്രതിരോധ ഉപാധികള്‍ വെട്ടികുറക്കുന്നത്. ഈ നടപടി അംഗീകരിക്കാന്‍ സാധിക്കില്ലെന്നും ഡീന്‍ കുര്യാക്കോസ് പറഞ്ഞു.
മാങ്കുളത്ത് കാട്ടാന ആക്രമണം രൂക്ഷം; പ്രതിഷേധവുമായി ഡീൻ കുര്യാക്കോസ് എംപി