ഇടുക്കി:തുടർച്ചയായി മണ്ണിടിഞ്ഞ് അപകട ഭീഷണി സൃഷ്ടിക്കുന്ന കൊച്ചി -ധനുഷ്‌കോടി ദേശീയപാതയിലെ ഗ്യാപ് റോഡിൽ കഴിഞ്ഞ ദിവസം ഒഴിവായത് വൻ ദുരന്തം. ചൊവ്വാഴ്ച രാത്രി എട്ടരയോടെയാണ് നിർമാണം നടക്കുന്ന റോഡില്‍ വൻ മണ്ണിടിച്ചിലുണ്ടായത്. പാറക്കല്ലുകളും മണ്ണും രണ്ടു കിലോമീറ്ററോളം താഴേക്ക് പതിച്ചു. പാറക്കല്ലുകൾ പതിച്ച് അടിവാരത്തെ മൂന്നു വീടുകൾ പൂർണമായും തകർന്നു. അറുപത് ഏക്കറോളം ഏലം കൃഷി അപ്രത്യക്ഷമായി. വീടുകളിൽ ആൾത്താമസം ഇല്ലാതിരുന്നതിനാൽ വൻ അപകടം ഒഴിവായി. അപകടം രാത്രി സംഭവിച്ചതിനാല്‍ പകല്‍ സമയങ്ങളിൽ ഈ പ്രദേശങ്ങളിലെ കൃഷിയിടങ്ങളിൽ ജോലി ചെയ്യുന്ന തൊഴിലാളികൾ വൻ ദുരന്തത്തില്‍ നിന്ന് രക്ഷപ്പെട്ടു.
മണ്ണിടിഞ്ഞ് ഗ്യാപ് റോഡ്: ജീവഭയത്തില്‍ അടിവാരത്തെ തൊഴിലാളികൾ