ഇടുക്കി : നേര്യമംഗലം വനാതിര്‍ത്തിയില്‍ വാഹനം തകരാറിലായതിനെ തുടര്‍ന്ന് കുടുങ്ങിയ കുടുംബത്തിന് കൈത്താങ്ങായി വനംവകുപ്പ് ഉദ്യോഗസ്ഥര്‍. കൊച്ചി ധനുഷ്‌ക്കോടി ദേശിയപാത കടന്നുപോകുന്ന റോഡാണിത്. കോഴിക്കോട് ബാലുശ്ശേരി സ്വദേശി സജിത്തും കുടുംബവും വെള്ളിയാഴ്‌ച അര്‍ധരാത്രിയിലാണ് അകപ്പെട്ടത്.
വനാതിര്‍ത്തിയില്‍ വാഹനം തകറാറിലായതിനെ തുടര്‍ന്ന് അകപ്പെട്ട കുടുംബത്തിന്‍റെ കൈത്താങ്ങായി വനപാലകര്‍
മൂന്നാറിലേക്കുള്ള യാത്രയിലായിരുന്നു ഇവര്‍. രാത്രിയില്‍ സഹായമന്വേഷിച്ച് നടക്കവെ വെളിച്ചം കണ്ട് സജിത്തും കുടുംബവും വാളറ ഫോറസ്റ്റ് സ്റ്റേഷനില് സഹായം അഭ്യര്‍ഥിച്ചു. തുടര്‍ന്ന്, വനംവകുപ്പ് ഉദ്യോഗസ്ഥര്‍ കുടുംബത്തിന് കൈത്താങ്ങാവുകയുമായിരുന്നു. വനപാലകര്‍ കുടുംബത്തിന് സ്റ്റേഷനില് താമസ സൗകര്യമൊരുക്കി.