ഇടുക്കിയില്‍ ജീപ്പ് 150 അടി താഴ്ചയിലേക്ക് മറിഞ്ഞു: 7 പേര്‍ക്ക് പരിക്ക്, 3 പേരുടെ നില ഗുരുതരം
കൊളുക്കുമലയിലേക്ക് സഞ്ചാരികളുമായി പോയ വാഹനമാണ് അപകടത്തിൽപ്പെട്ടത്
നിയന്ത്രണം വിട്ട ഓഫ് റോഡ് ജീപ്പ് മറിഞ്ഞ് ഏഴ് പേർക്ക് പരിക്ക്; മൂന്നുപേരുടെ നില ഗുരുതരം
ഇടുക്കി: ചിന്നക്കനാലിൽ ഓഫ് റോഡ് ജീപ്പ് മറിഞ്ഞ് ഏഴ് പേർക്ക് പരിക്ക്. മൂന്ന് പേരുടെ പരിക്ക് ഗുരുതരമാണ്. സ്വകാര്യ ക്യാമ്പിങ് സൈറ്റിൽ നിന്നും കൊളുക്കുമലയിലേക്ക് സഞ്ചാരികളുമായി പോയ വാഹനമാണ് അപകടത്തിൽപ്പെട്ടത്. നിയന്ത്രണം വിട്ട ജീപ്പ് 150 അടിയോളം താഴ്ചയിലേക്ക് പതിക്കുകയായിരുന്നു. ഡ്രൈവർ മദ്യപിച്ചിരുന്നതാണ് അപകടകാരണം. മറ്റൊരു ഡ്രൈവറുടെ പേരിൽ വാങ്ങിയ പാസുമായാണ് ഇയാൾ സഞ്ചാരികളുമായി പോയത്. ഡ്രൈവർ ഉൾപ്പടെ ഏഴ് പേരാണ് വാഹനത്തിൽ ഉണ്ടായിരുന്നത്. പരിക്കേറ്റവര്‍ തേനി മെഡിക്കൽ കോളജില്‍ ചികിത്സയിലാണ്.