ശക്തമായ കാറ്റും മഴയും ; മരം വീണ് വീട് തകർന്നു

ഇടുക്കി അടിവാരത്ത് താമസിക്കുന്ന മച്ചാനിക്കൽ ജേക്കബിൻ്റെ വീടാണ് തകർന്നത്.

ഇടുക്കി: രാജാക്കാട് മേഖലയിൽ ഉച്ചകഴിഞ്ഞുണ്ടായ ശക്തമായ കാറ്റിലും മഴയിലും മരം വീണ് വീട് തകർന്നു. അടിവാരത്ത് താമസിക്കുന്ന മച്ചാനിക്കൽ ജേക്കബിൻ്റെ വീടാണ് തകർന്നത്.

മരം കടപുഴകുന്ന ഒച്ചകേട്ട് വീട്ടിലുണ്ടായിരുന്നവർ ഓടി രക്ഷപ്പെടുകയായിരുന്നു. വീട് ഭാഗികമായി തകര്‍ന്നു. ഗൃഹോപകരണങ്ങള്‍ക്ക് കേടുപാടുകളും സംഭവിച്ചു. ഏതാണ്ട് അഞ്ചുലക്ഷത്തിന്‍റെ നഷ്ടമുണ്ടായതായി കണക്കാക്കുന്നു.