മഴ കനത്തു; ദേവികുളത്ത് മലയിടിച്ചിൽ

ഉച്ചകഴിഞ്ഞ് പ്രദേശത്ത് മേഘവിസ്ഫോടനത്തിന് സമാനമായ മഴയാണ് പെയ്തത്. മഴ ശമിച്ചതിന് ശേഷം മലയിലെ പാറക്കൂട്ടവും മണ്ണും താഴേയ്ക്ക് പതിക്കുകയായിരുന്നു.

ഇടുക്കി: കനത്ത പേമാരിയെത്തുടർന്ന് ദേവികുളം ഗ്യാപ്പിൽ വീണ്ടും മലയിടിച്ചിൽ. രണ്ടുപേരെ കാണാതായെന്നാണ് സൂചന. ദേശീയപാതയുടെ ജോലികളിൽ ഏർപ്പെട്ടിരുന്ന ടിപ്പർ ലോറി പാറ വീണ് പൂർണമായി തകർന്നു. പാറയും മണ്ണും നീക്കാനുള്ള ശ്രമങ്ങള്‍ തുടരുകയാണ്. പരിക്കേറ്റ രണ്ടു തൊഴിലാളികൾ വിവിധ ആശുപത്രികളിലായി ചികിത്സയിലാണ്. കൂടുതൽ വാഹനങ്ങൾ ഇടിച്ചിലിൽ അകപ്പെട്ടിട്ടുണ്ടോയെന്ന് വ്യക്തമല്ല.ഇവിടെ ഗതാഗതം പൂർണമായി തടസപ്പെട്ടിരിക്കുകയാണ്.