ഇടുക്കി: വണ്ടിപ്പെരിയാറില്‍ കൊവിഡ് ബാധിതരോട് ആരോഗ്യ വകുപ്പിന്‍റെ അവഗണനയെന്ന് പരാതി. വാഹനമില്ലാത്തതിനാല്‍ കൊവിഡ് ബാധിച്ചവരോട് ആരും കാണാതെ തലയില്‍ മുണ്ടിട്ട് മുഖം മറച്ച് കിലോമീറ്ററുകള്‍ താണ്ടി ടൗണിലെത്താന്‍ നിര്‍ദ്ദേശം. വലിയ വാഹനങ്ങള്‍ കടന്നു വരുന്ന സ്ഥലത്ത് ആംബുലന്‍സ് എത്തില്ലെന്ന കാരണം പറഞ്ഞാണ് രോഗികളോട് നടന്നു വരാൻ ആവശ്യപെടുന്നത് എന്നാണ് പരാതി. ഇതിൽ പ്രതിഷേധിച്ച കുടുംബത്തിനെതിരെ ആരോഗ്യ വകുപ്പ് പരാതി നൽകി. ആരോഗ്യ വകുപ്പിന്‍റെ ഈ നടപടിക്കെതിരെ കൊവിഡ് ബാധിതരുടെ കുടുംബം തെരുവില്‍ നിരാഹാരം തുടങ്ങി.
വണ്ടിപ്പെരിയാറില്‍ കൊവിഡ് ബാധിതരോട് ആരോഗ്യ വകുപ്പ് അവഗണന കാട്ടിയെന്ന് പരാതി