ഇടുക്കി: ജൈവ പച്ചക്കറി കൃഷി വിജയകരമാക്കുന്നതില്‍ ശ്രദ്ധിക്കപ്പെടുകയാണ് ഇരുമ്പുപാലം ചില്ലിത്തോട് സര്‍ക്കാര്‍ എല്‍പി സ്‌കൂള്‍. പഠനത്തോടൊപ്പം കാര്‍ഷിക സംസ്‌കാരത്തിന്‍റെ മാതൃക കൂടി പകര്‍ന്ന് നല്‍കുകയാണ് ലക്ഷ്യം.
പാഠം ഒന്ന്: ജൈവകൃഷിയിലൂടെ കാര്‍ഷിക സംസ്കാരം
തരിശായി കിടന്നിരുന്ന സ്‌കൂള്‍ മുറ്റമിന്ന് പലതരം പച്ചക്കറികളുടെ വിളനിലമാണ്. അധ്യയനത്തോടൊപ്പം കാര്‍ഷിക സംസ്‌കൃതിയുടെ നല്ല പാഠങ്ങള്‍ വിദ്യാര്‍ഥികള്‍ അറിഞ്ഞിരിക്കണമെന്ന നിര്‍ബന്ധത്തില്‍ നിന്നുമാണ് സ്‌കൂള്‍ അധികൃതരും പിടിഎയും ചേര്‍ന്ന് വലിയൊരു പച്ചക്കറിത്തോട്ടം സ്‌കൂള്‍ മുറ്റത്തൊരുക്കിയത്.