ഇടുക്കി: മലയോരകര്‍ഷകര്‍ക്ക് ആശ്വാസമായി ഇഞ്ചി വില ഉയരുന്നു. കിലോയ്ക്ക് 40 രൂപ വില ഉണ്ടായിരുന്ന ഇഞ്ചിക്ക് ഇപ്പോള്‍ പൊതു കമ്പോളത്തില്‍ 230 രൂപ മുതൽ 250 രൂപ വരെ വിലയുണ്ട്. ചുക്കിന്‍റെ വില 250ല്‍ നിന്ന് 800 ആയി ഉയർന്നു. ജില്ലയിലെ പ്രധാന നാണ്യവിളകളായ കുരുമുളക്, കൊക്കോ, റബ്ബർ എന്നിവയുടെ വിലത്തകര്‍ച്ചയില്‍ നട്ടം തിരിയുന്ന കര്‍ഷകര്‍ക്ക് ഇഞ്ചിയുടെ വില വര്‍ധനവ് പ്രതീക്ഷ നല്‍കുന്നുണ്ട്. വളത്തിനും കീടനാശിനികള്‍ക്കും വില ഉയര്‍ന്നതും കൂലി വര്‍ധനവും കണക്കിലെടുത്താല്‍ കര്‍ഷകര്‍ക്ക് മുടക്ക് മുതല്‍ പോലും ലഭിക്കാത്ത അവസ്ഥയാണ് മുമ്പ് ഉണ്ടായിരുന്നത്. ഈ വർഷം അതിന് മാറ്റമുണ്ടാക്കുമെന്നാണ് പ്രതീക്ഷ. എന്നാൽ വില വർധനവ് കർഷകരെക്കാൾ കൂടുതൽ ഇടനിലക്കാർക്ക് ഗുണം ചെയ്യുമെന്നും വിലയിരുത്തലുണ്ട്.
കര്‍ഷകര്‍ക്ക് ആശ്വാസമായി ഇഞ്ചി വില കൂടി