ഇടുക്കി:കൊച്ചി ധനുഷ്‌ക്കോടി ദേശിയപാതയിലെ ഗ്യാപ്പ് റോഡിന് സമീപം വീണ്ടും മലയിടിച്ചില്‍. 250 മീറ്ററോളം ഉയരത്തില്‍ നിന്നും മണ്ണ് താഴേക്ക് പതിച്ച് വ്യാപക നാശം സംഭവിക്കുകയായിരുന്നു. ദിവസങ്ങള്‍ക്ക് മുമ്പ് ഇതുവഴിയുള്ള ഗതാഗതം നിരോധിച്ചിരുന്നതിനാല്‍ വലിയ അപകടം ഒഴിവായി. പ്രദേശത്തെ ചില കെട്ടിടങ്ങള്‍ക്കും കൃഷിയിടങ്ങള്‍ക്കും നാശനഷ്ടങ്ങള്‍ സംഭവിച്ചിട്ടുണ്ട്. ദേശീയപാത വികസനം നടന്നു വരുന്ന ഗ്യാപ്പ് റോഡില്‍ മുന്‍വര്‍ഷങ്ങളിലും നിരവധി തവണ വലിയ തോതില്‍ മലയിടിച്ചില്‍ ഉണ്ടാവുകയും ജീവഹാനി ഉള്‍പ്പെടെ സംഭവിക്കുകയും ചെയ്തിരുന്നു.
കൊച്ചി ധനുഷ്‌ക്കോടി ദേശിയപാതയിലെ ഗ്യാപ്പ് റോഡിന് സമീപം വീണ്ടും മലയിടിച്ചില്‍