ഇടുക്കി:പോഷക സമൃദ്ധമായ ധാന്യങ്ങള്‍ ആഹാരക്രമത്തില്‍ ഉള്‍പെടുത്തേണ്ടതിന്‍റെ ആവശ്യകത ജനങ്ങളിലേയ്ക്ക് എത്തിക്കുകയാണ് ഇടുക്കി ബാലഗ്രാം ജവഹര്‍ലാല്‍ നെഹ്‌റു കോളജിലെ വിദ്യാര്‍ഥികള്‍. തിന ഉപയോഗിച്ച് തയ്യാറാക്കിയ ദോശ, പഞ്ഞപ്പുല്ല് ഉപയോഗിച്ചുള്ള സൂപ്പ്, വരഗ് കൊണ്ടുള്ള മിഠായികള്‍, വിദ്യാര്‍ഥികളുടെ കൈപ്പുണ്യത്തില്‍ ഒരുങ്ങിയത് വ്യത്യസ്‌ത തരം ഭക്ഷണ പദാര്‍ഥങ്ങളാണ്. മലയാളിയുടെ ഭക്ഷണ ശൈലിയില്‍ നിന്നും പോഷക സമൃദ്ധമായ ധാന്യങ്ങള്‍ അകന്ന് പോയതിന്‍റെ ഓര്‍മ്മപ്പെടുത്തല്‍ കൂടിയായിരുന്നു കോളജിൽ സംഘടിപ്പിച്ച ഫുഡ് ഫെസ്റ്റിവല്‍.
തിന ദോശ, പഞ്ഞപ്പുല്ല് സൂപ്പ്.. പോഷക സമൃദ്ധം ഈ ഫുഡ് ഫെസ്റ്റിവൽ