ഇടുക്കി: അടിമാലി ഇരുട്ടുകാനം വിയാറ്റ് പവര്‍ഹൗസില്‍ തീപിടിത്തം. ഇരുട്ടുകാനത്ത് പ്രവര്‍ത്തിച്ച് വന്നിരുന്ന വിയാറ്റ് പവര്‍ പ്രൈവറ്റ് ലിമിറ്റഡിൽ ശനിയാഴ്ച്ച പുലര്‍ച്ചെ രണ്ട് മണിയോടെയാണ് തീപിടിത്തമുണ്ടായത്. പവര്‍ ഹൗസിലെ സ്വിച്ച് ഗിയര്‍ റൂമില്‍ സ്റ്റേജ് വണ്‍ 3.3 കെ.വി ഔട്ട് ഗോയിങ്ങ് ട്രാന്‍സ്‌ഫോമര്‍ ബ്രേക്കര്‍ പാനല്‍ കത്തി നശിച്ചു. ഇന്റേണല്‍ വയറിംഗിലുണ്ടായ ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. തീപിടിത്തത്തെ തുടര്‍ന്ന് പവര്ഹൗസിന്റെ പ്രവര്‍ത്തനം നിര്‍ത്തി വച്ചു. പ്രതിദിന ഉത്പാദനത്തില്‍ നിന്നും മൂന്നര ലക്ഷം രൂപയോളം വരുമാനം ലഭിച്ചിരുന്നുവെന്നും ഇതിനു പുറമെ 25 ലക്ഷം രൂപയോളം വരുന്ന യന്ത്രസാമഗ്രികൾക്ക് നഷ്ടം സംഭവിച്ചതായും പ്ലാന്റ് മാനേജര്‍ വി.വി രാജന്‍ പറഞ്ഞു.
അടിമാലി ഇരുട്ടുകാനം വിയാറ്റ് പവര്‍ഹൗസില്‍ തീപിടുത്തം