ഇടുക്കി: പ്രധാന ക്ഷീര മേഖലയായ കരുണാപുരത്ത് മൃഗഡോക്ടറുടെ സേവനം ലഭ്യമാക്കണമെന്ന് കര്‍ഷകര്‍. കൂട്ടാര്‍ മൃഗാശുപത്രിയില്‍ ഡോക്ടര്‍ ഇല്ലാതായിട്ട് ഒരു വര്‍ഷം പിന്നിടുന്നു. കഴിഞ്ഞയിടെ കമ്പംമെട്ടില്‍ കുളമ്പ് രോഗം വ്യാപിച്ചിട്ടും ആശുപത്രിയില്‍ ഡോക്ടറെ നിയമിക്കാന്‍ അധികൃതര്‍ തയ്യാറായില്ല. ആയിരത്തിലധികം ക്ഷീര കര്‍ഷകരുള്ള പഞ്ചായത്താണ് കരുണാപുരം. പത്തോളം ക്ഷീര സംഘങ്ങളും നിരവധി സ്വകാര്യ ക്ഷീര സംഘങ്ങളും പഞ്ചായത്തിലുണ്ട്. ആട്, മുയല്‍, കോഴി തുടങ്ങിയവയേയും വളര്‍ത്തുന്ന നിരവധി ആളുകളുണ്ട്.
കരുണാപുരത്ത് മൃഗഡോക്ടറെ നിയമിക്കണമെന്ന് ക്ഷീര കര്‍ഷകര്‍