ഇടുക്കി:കാഴ്‌ചയ്‌ക്ക് ചെറിയൊരു ഉന്തുവണ്ടി, പക്ഷെ കര്‍ഷകര്‍ക്ക് ഇവന്‍ വലിയൊരു കൈതാങ്ങാണ്. ഇടുക്കി കൊച്ചറ സ്വദേശിയായ മനു ജോസഫ് വികസിപ്പിച്ച ഈ ചെറുവാഹനം കൃഷിയിടങ്ങളിലെ ജോലി ഭാരം നന്നേ കുറയ്‌ക്കും.
കൃഷിയിടങ്ങളിലെ ജോലി ഭാരം കുറയ്‌ക്കാൻ എഡ്വിന്‍ അഗ്രോ കാര്‍ട്ട് നിർമിച്ച് യുവാവ്
കുന്നിന്‍ മുകളിലും കുത്തനെ ചെരിഞ്ഞ കൃഷിയിടങ്ങളിലുമൊക്കെ അനായാസം കടന്ന് ചെല്ലും, മനു വികസിപ്പിച്ച എഡ്വിന്‍ അഗ്രോ കാര്‍ട്ട്. ഓട്ടോ മൊബൈല്‍ എഞ്ചിനിയറിങിന് ശേഷം വിദേശത്ത് ജോലി ചെയ്‌തിരുന്ന മനു, കൊവിഡ് കാലത്ത് തിരികെ നാട്ടില്‍ എത്തിയപ്പോഴാണ് കൃഷിയിടത്തിലേക്കുള്ള ചുമട്ടുകാരനെ വികസിപ്പിച്ചത്. ആറ് മാസത്തെ വിവിധ പരീക്ഷണങ്ങള്‍ കൊണ്ടാണ്, വാഹനത്തിന് പൂര്‍ണ രൂപം നല്‍കിയത്.