ഇടുക്കി: ദേശീയപാത നിര്‍മാണം നടന്നിരുന്ന ഗ്യാപ് റോഡിലെ മണ്ണിടിച്ചില്‍ ഉണ്ടായ പ്രദേശങ്ങള്‍ ജില്ലാ കലക്ടറുടേയും എം.പിയുടേയും നേതൃത്വത്തിലുള്ള സംഘം സന്ദർശിച്ചു. നാശനഷ്ടങ്ങള്‍ വിലയിരുത്തുന്നതിനും നഷ്ടപരിഹാരം വേഗത്തിലാക്കുന്നതിനും വേണ്ടിയായിരുന്നു ഇടുക്കി എം.പി ഡീന്‍ കുര്യാക്കോസ്, ജില്ലാ കലക്ടര്‍ എച്ച്. ദിനേശന്‍ എന്നിവരടങ്ങിയ സംഘത്തിന്‍റെ സന്ദർശനം. മണ്ണിടിച്ചിലില്‍ ചിന്നക്കനാല്‍ ബൈസണ്‍വാലി പഞ്ചായത്തുകളിലെ ഏക്കർകണക്കിന് കൃഷി നശിച്ചിരുന്നു. ഈ സാഹചര്യത്തില്‍ കര്‍ഷകര്‍ക്കുള്ള ധനസഹായം വേഗത്തിലാക്കുമെന്ന് അഡ്വ. ഡീന്‍ കുര്യാക്കോസ് എം.പി വ്യക്തമാക്കി.
മണ്ണിടിച്ചിലുണ്ടായ ഗ്യാപ് റോഡില്‍ എം.പിയും കലക്ടറും സന്ദര്‍ശിച്ചു